Xızı rayonunun Giləzi qəsəbəsində qidadan zəhərlənən 8 nəfər Sumqayıt xəstəxanasına çatdırılıb.
Sumqayıt şəhər 1 nömrəli xəstəxananın yoluxucu xəstəliklər şöbəsindən Shimal.News-a bildirilib ki, qohum olan 8 nəfər sentyabrın 6-sı saat 22:25 radələrində xəstəxananın yoluxucu xəstəliklər şöbəsinə müraciət ediblər.
Onlar ürəkbulanma, qusma, qızdırma, ishal kimi hallardan şikayətləniblər. Xəstələrdən nümunələr götürülüb və məlum olub ki, onlar qarışıq qidalanmadan (kabab, salat, qarpız-yemiş və müxtəlif içkilər) zəhərləniblər.
Bildirilib ki, onların hər birinə Yoluxucu xəstəliklər şöbəsində zəruri tibbi xidmətlər göstərilib, vəziyyətləri qənaətbəxş qiymətləndirilən şəxslər ambulator müalicə üçün evə buraxılıblar.
