Siyəzən rayonunda yerləşən və “Xıdırzində piri” kimi tanınan ərazidə antisanitar vəziyyət müşahidə olunur.
Bu barədə Shimal.News-a danışan sakinlərin sözlərinə görə, Bakı-Quba-Xaçmaz yolunda hərəkət edən sürücülər və sərnişinlər bu ərazidə tez-tez dayanaraq ya piri ziyarət edirlər, ya da qısamüddətli fasiləyə, istirahətə vaxt ayırırlar.
“Lakin mövcud şərait istirahət üçün tamamilə yararsızdır. Ərazidə uzun müddətdir məişət tullantıları daşınmır və qalaqlanaraq pis qoxu yayır. Təmizlik işlərinin aparılmaması səbəbindən ətraf mühit çirklənib, ictimai tualetlər bərbad vəziyyətdədir və su təchizatı da yoxdur.
Əraziyə nəzarət edən kimsə yoxdur. Qidaların toz-torpaq içində hazırlanması da əlavə təhlükə mənbəyidir”, - deyə sakinlər vurğulayıblar.
