Nabran çimərliyində təmizlik aksiyası təşkil edilib. Bu barədə ShimalNews 12 avqust tarixində Xaçmaz Rayon İcra Hakimiyyətinə istinadən məlumat verir.
Bu gün “Xəzər günü” ilə əlaqədar Ekologiya və Təbii Sərvətlər Nazirliyi və Xaçmaz Rayon İcra Hakimiyyətinin təşkilatçılığı ilə sahilyanı çimərlik əraziləri məişət tullantılarından təmizlənib. Aksiyada icra başçısı Elnur Rzayev və ekologiya və təbii sərvətlər nazirinin müavini Firdovsi Əliyev iştirak ediblər.
Rayonun icra başçısı bildirib ki, insanın ətraf mühitə vurduğu zərər onun öz sağlamlığını da təhlükəyə atır. Bu səbəbdən hər kəs təmizliyə raiyət etməlidir.
Nazir müavini Firdovsi Əliyev isə təmizlik aksiyasının keçirilməsindən söz açıb. Burada əsas məqsəd dənizin çirkləndirmədən qorunması, bioloji ehtiyatların mühafizəsi, bərpası və davamlı istifadəsi sahəsində qüvvələrin səfərbər edilməsi, eləcə də əhalinin maarifləndirilməsindən ibarətdir.
Çimərlik mövsümündə belə tədbirin keçirilməsi yerli sakinlər və Nabrana gələn qonaqlar tərəfindən müsbət qarşılanıb.
[caption id="attachment_22318" align="alignnone" width="300"]
Foto Xaçmaz RİH[/caption]
[caption id="attachment_22319" align="alignnone" width="300"]
Foto Xaçmaz RİH[/caption]
[caption id="attachment_22320" align="alignnone" width="300"]
Foto Xaçmaz RİH[/caption]
[caption id="attachment_22321" align="alignnone" width="300"]
Foto Xaçmaz RİH[/caption]
