44 günlük Vətən müharibəsində şəhidlik zirvəsinə ucalan İslamov Cəlal Ağahüseyn oğlunun atası İslamov Ağahüseyn 95 yaşında vəfat edib.
Shimal.News xəbər verir ki, şəhid atası doğulub boya-başa çatdığı Xaçmaz rayonunun Çarxı kəndində torpağa tapşırılacaq.
Dəfn mərasimi bu gün saat 12:00-da keçiriləcək.
Qeyd edək ki, İslamov Cəlal Ağahüseyn oğlu 2001-ci il iyulun 3-də Xaçmaz rayonunun Çarxı kəndində anadan olub. O, 44 günlük Vətən müharibəsində Suqovuşan və Talış kəndi istiqamətində gedən döyüşlərdə iştirak edib və 7 oktyabr 2020-ci ildə artilleriya mərmisinin partlaması nəticəsində 19 yaşında şəhid olub.
Azərbaycan Respublikasının Prezidenti, Ali Baş Komandan İlham Əliyevin Sərəncamı ilə şəhid Cəlal İslamov ölümündən sonra bir neçə medalla təltif edilib:
"İgidliyə görə" medalı;
"Laçının azad olunmasına görə" medalı;
"Suqovuşanın azad olunmasına görə" medalı;
"Vətən uğrunda" medalı.
