Xaçmazlı şəhid Nurağa Tağıyevin anasına attestat təqdim olunub. Bu barədə ShimalNews 24 iyul tarixində məlumat verir.
Xaçmaz şəhər 4 nömrəli tam orta məktəbini bitirən Yeganə Tağıyeva eksternat qaydada imtahan verərək məzun olub. Quba-Xaçmaz Regional Təhsil İdarəsinin Tədrisin keyfiyyəti sektorunun müdiri Qələmşah Dostuyevin iştirakı ilə şəhid anası ziyarət olunub.
Təqdimatdan sonra Yeganə xanım orta ixtisas təhsili almaq istədiyini bildirib. Bundan sonra o, kollecə qəbul olmaq üçün hazırlaşacaq.
