Xaçmazdan olan 32 yaşlı Z.Vəliyevaya (ad şərtidir) Bakıda qızıl oğurlamasına görə hökm oxunub.
Qaynarinfo.az-ın məlumatına görə, həmin qadın villaların birində 2023-cü ilin sentyabr ayından 2024-cü ilin fevral ayının sonlarına qədər xadimə kimi çalışıb.
Təqsirləndirilən şəxs ev sahibinin ölkə xaricində olmasından istifadə edərək evin qonaq otağının dolabından 115.450 manat dəyərində qızıl-zinət əşyalarını oğurlayıb. Daha sonra onları "Xalqlar Dostluğu" və "Neftçilər" metro stansiyalarının yaxınlığında yerləşən 3 lombarda satıb.
Məhkəmənin qərarı ilə Z.Vəliyevaya 4 il 11 ay 28 gün müddətə azadlıqdan məhrum etmə cəzası təyin edilib. Təqsirləndirilən şəxs cəzasını ümumi rejimli cəzaçəkmə müəssisəsində çəkəcək.
