Xaçmazda təsərrüfatçılar şaftalının tezyetişən sortlarını yığıblar. Bu haqda ShimalNews 21 iyul tarixində məlumat verir.
Fermerlər bu il məhsuldarlığın yüksək, qiymətin isə qaneedici olduğunu deyirlər. Satış üçün məhsullar yerli və Rusiya bazarına aparılır. Şaftalını 1 manatdan 5 manata kimi qiymətə almaq olar.
Rayon ərazisində ümumilikdə 2900 hektardan çox şaftalı bağı var. Həmin bağlardan 800 hektara yaxını müasir suvarma sistemi ilə təmin olunan intensiv bağlardır. Hər il bağlardan 7 min tondan çox şaftalı toplanır.
Ən çox şaftalı bağları Nərəcan kəndinin ərazisindədir. Burada 800 hektara yaxın meyvə bağında şaftalının 50-dən çox növü becərilir. Nərəcanda yetişdirilən şaftalı bütün Azərbaycanda tanınır.
