Xaçmaz rayonunda yeni ağaclar əkilib.
ShimalNews xəbər verir ki, ağacəkmə aksiyası “Yaşıl dünya naminə həmrəylik ili” çərçivəsində Qoçaqlı kəndində keçirilib.
Tədbirdə icra başçısı Elnur Rzayev, yerli hüquq mühafizə orqanlarının, idarə müəssisə, təşkilat rəhbərləri və kənd sakinləri iştirak ediblər. Onlar kənd stadionun ətrafına yerli iqlim şəraitinə uyğun gələn ağaclar əkiblər.
Aksiyanın məqsədi ekoloji vəziyyətin sağlamlaşdırılması, cəmiyyətdə təbiətə qayğını təbliğ etmək, yaşıllıqların çoxaldılmasını təşviq edərək, ətraf mühitin qorunmasına töhfə verməkdən ibarətdir.
Elnur Rzayev Qoçaqlı kənd stadionunda sakinlər tərəfindən həyata keçirilən yenidənqurma işləri ilə tanış olub. Vətəndaşlar stadionun ətrafı abadlaşdırıb, gecə işıqlandırması təmin ediblər. Azarkeşlər üçün yeni oturacaqlar qoyulub, ətrafda 400-dən çox ağac əkilib.
