Səfərbərlik və Hərbi Xidmətə Çağırış üzrə Dövlət Xidmətinin Xaçmaz Rayon Şöbəsinin rüşvət almaqda ittiham olunan sabiq rəisi Rahim Ağayevin barəsində hökmdən verilən apellyasiya şikayəti üzrə məhkəmə iclası başa çatıb.
Pravda.az-ın məlumatına görə, Sumqayıt Apellyasiya Məhkəməsində hakim Rəşadət Ağayevin sədrliyi ilə keçirilən prosesdə qərar elan olunub - apellyasiya şikayəti təmin edilməyib.
R.Ağayev Bakı Hərbi Məhkəməsində keçirilən məhkəmə iclasında 8 il 6 ay müddətə həbs olunub. Ona qarşı təkrar külli miqdarda rüşvət alma və vəzifə səlahiyyətlərindən sui-istifadə etmə maddəsi ilə ittiham irəli sürülüb, barəsində həbs qətimkan tədbiri seçilib.
