Xaçmazda fındıq bağlarında məhsuldarlıq ötən illə müqayisədə çoxalıb. Bu haqda ShimalNews 27 iyun tarixində Azərtac-a istinadən məlumat verir.
Rayon ərazisində 10-a yaxın fındıq emalı müəssisəsi və qəbul məntəqələri fəaliyyət göstərir. Buraya ölkəmizin digər bölgələrindən də məhsul gətirilir. Fındıq yığımına iyulun 20-dən sonra başlanılır və avqustun sonunadək davam edilir.
Xaçmaz Dövlət Aqrar İnkişaf Mərkəzindən bildirilib ki, rayonda 11 min hektara yaxın fındıq bağı var. Ötən il burada 7591 ton fındıq istehsal edilib.
Rayonda keçən il 100 hektar yeni fındıq bağı salınıb. İntensiv üsulla becərilən fındıq bağlarının sahəsi 607 hektardır.
Xaçmazda istehsal olunan fındıq yerli bazarlarla yanaşı, Rusiya, Türkiyə və digər xarici ölkələrə ixrac edilir.
