Xaçmazda "Müzəffər Əsgərimiz" adlı görüş keçirilib. Bu barədə ShimalNews 26 sentyabr tarixində Xaçmaz Rayon Gənclər və İdman İdarəsinə istinadən məlumat verir.
Tədbir Xaçmaz Heydər Əliyev Mərkəzində baş tutub. İdarənin rəisi Elman Məmmədov çıxışında bildirib ki, belə tədbirlərin təşkili yeniyetmələrin və gənclərin milli-mənəvi, hərbi vətənpərvərlik ruhunun yüksəlməsində böyük əhəmiyyət kəsb edir.
Tədbirdə çıxış edən digər qonaqlar da şəhid və qazilərimizin qəhrəmanlıqlarından danışıblar. Müharibə iştirakçıları döyüş xatirələrini bölüşüblər. Sonda qonaqlar xatirə şəkilləri çəkdiriblər.
