Xaçmaz Rayon İcra Hakimiyyəti, Quba-Xaçmaz Regional Təhsil İdarəsi və Sosial Xidmətlər Agentliyinin birgə təşkilatçılığı ilə Xaçmaz şəhər Cəfər Cabbarlı adına 6 saylı tam orta məktəbdə “Uşaq Hüquqları aylığı” çərçivəsində tədbir keçirilib.
Shimal.News xəbər verir ki, tədbirdə Rayon İcra Hakimiyyətinin məsul əməkdaşları, Təhsil sektorunun nümayəndələri, məktəbin müəllim və şagirdləri iştirak ediblər.
Çıxış edənlər ölkəmizdə uşaq hüquqlarının müdafiəsi sahəsində görülən işlər barədə məlumat veriblər.
Qeyd edilib ki, hər il ənənəvi olaraq oktyabrın 20-dən noyabrın 20-dək BMT-nin Uşaq Hüquqları Konvensiyasının qəbul edilməsinin ildönümü ərəfəsində respublikamızda “Uşaq Hüquqları aylığı” keçirilir.
Aylığın keçirilməsinin əsas məqsədi uşaqlara diqqətin artırılması, uşaq hüquqlarının qorunması sahəsində vəziyyətin daha da yaxşılaşdırılmasıdır.
