Xaçmazda ekoloji mühitə ziyan vurulması faktları ilə bağlı cinayət işləri başlanılıb. Bu barədə ShimalNews 13 avqust tarixində Baş Prokurorluğa istinadən məlumat verir.
Vətəndaşların Azərbaycan Respublikası Baş Prokurorluğuna daxil olmuş ərizələri, media və səlahiyyətli dövlət qurumlarının məlumatları əsasında qanunsuz ağackəsmə faktları ilə bağlı araşdırma aparılıb.
Rayon meşəbəyliyinin 5 və 10 saylı meşə fonduna daxil olan ağacların və kolların qanunsuz kəsilməsi, ərazinin qanunsuz şumlanması və əkilməsi, ümumilikdə ziyan dəyməsi faktları aşkar edilmişdir.
Qanun pozuntusu ilə bağlı Cinayət Məcəlləsinin 188.1 (Torpaq üzərində mülkiyyət, istifadə və ya icarə hüququnu pozma), 259.1 və 259.2.4-cü (Qanunsuz ağac kəsmə) maddələri ilə cinayət işləri başlanılaraq istintaqın aparılması üçün aidiyyəti üzrə daxili işlər orqanlarına göndərilib.
