Xaçmaz rayonunun Qarabağlı kəndinin ərazisində 13 akasiya, 66 söyüd və 4 ədəd çinar ağacının qanunsuz kəsilməsi ilə bağlı polisə məlumat daxil olub.
Trend.аz-ın məlumatına görə, polis əməkdaşları tərəfindən keçirilmiş tədbirlər nəticəsində həmin ağacları kəsən 2 nəfər rayon sakini saxlanılıb.
Ekspertiza təyin olunub və təbiətə 21 min 300 manat dəyərində zərər dəydiyi müəyyən edilib.
Hazırda faktla bağlı Xaçmaz RPŞ-də cinayət işi başlanılıb, zəruri araşdırmalar aparılır.
