Xaçmazda siqaret almayan uşağa görə atası döyülüb.
Shimal.News-un məlumatına görə, hadisənin istintaqı Xaçmaz Rayon Məhkəməsində hakim Xıdır Quliyevin sədrliyi ilə keçirilib.
Belə ki, Xəqani Qarayev (ad-soyad şərtidir) sərxoş vəziyyətdə Xaçmaz rayonu, Yataq-oba kəndində yaşayan, həmkəndlisi Pərvin Qafarovun (ad şərtidir) yanına gedib. Pərvinin azyaşlı oğlunun onun üçün siqaret almağa getmədiyini bəhanə edərək dava salıb. Aldığı cavabı da bəhanə edərək həmkəndlisinə yumruqla zərbə endirib. Daha sonra Xəqani dava zamanı onları ayıran həmkəndlisi Nadir Babayevin (ad şərtidir) arxasınca gedib, alın nahiyəsinə şüşə butulka ilə qəsdən vurub. Onu yerə yıxdıqdan sonra sifət nahiyəsinə yumruqla bir neçə dəfə zərbə endirib.
Xəqani Qarayev Cinayət Məcəlləsinin 127.2.1, 127.2.3 və 221.3-cü (sağlamlığa zərbə vurma) maddələri ilə təqsirləndirilib.
Məhkəmənin qərarı ilə o, 3 il müddətində azadlıqdan məhrum edilib.
Fidan İlqar
