Hacıəlibəy kəndində Xaçmaz Rayon İcra Hakimiyyətinin təşkilatçılığı ilə səyyar qəbul və ekoloji aksiya keçirilib.
Shimal.News xəbər verir ki, qəbulda Hacıəlibəy, Ağyazı Buduq, Bayoba, Suxtalaqışlaq kəndlərinin və Arzu qəsəbəsinin sakinləri iştirak edib.
Vətəndaşlar elektrik təsərrüfatının yenilənməsi, su təchizatının yaxşılaşdırılması, yolların təmiri və torpaq sahəsinin sənədləşdirilməsinə köməklik göstərilməsi ilə bağlı müraciətlər səsləndiriblər.
Qəbuldan sonra Hacıəlibəy kəndində “Yaşıl dünya naminə həmrəylik ili” çərçivəsində ağacəkmə aksiyası təşkil olunub.
