Xaçmazın Çiləgir kəndindən olan 44 günlük Vətən muharibəsi şəhidi İkram Məmmədovun anası xəstəxanaya yerləşdirilib.
Shimal.News-un əldə etdiyi məlumata görə, Abdət Məmmədova yıxılıb və onun sağ bud sümüyü sınıb.
Şəhid anası Quba Rayon Mərkəzi Xəstəxanasının Travmatologiya Şöbəsinə yerləşdirilib. Onun sabah əməliyyat olunacağı gözlənilir.
İkram Ehtiram oğlu Məmmədov 2002-ci ildə Xaçmaz rayonunun Çiləgir kəndində anadan olub. O, oktyabrın 13-də Füzuli istiqamətində gedən döyüşlərdə şəhidlik zirvəsinə ucalıb. Nəşinin olduğu yer 3 aydan sonra müəyyənləşib. O, doğma Çiləgir kəndində dəfn olunub.
Ölümündən sonra E.Məmməov “Vətən uğrunda”, “İgidliyə görə”, “Xocavəndin azad olunmasına görə” və “Füzulinin azad olunmasına görə” medalları ilə təltif edilib.
