Xaçmaz şəhərində Dini Qurumlarla İş üzrə Dövlət Komitəsinin Quba-Xaçmaz regional bölməsinin, Rayon İcra Hakimiyyəti və Qafqaz Müsəlmanları İdarəsinin Xaçmaz rayonu üzrə qazılığının birgə təşkilatçılığı ilə “Ramazan – sülh, yardımlaşma və həmrəylik ayı” mövzusunda tədbir keçirilib.
Shimal.News xəbər verir ki, tədbirdə Dövlət Komitəsinin Quba-Xaçmaz regional bölməsinin baş məsləhətçisi Fərid Məmmədov, Rayon İcra Hakimiyyəti başçısı Aparatının İctimai-siyasi və humanitar məsələlər şöbəsinin müdir müavini Ceyhun Musayev, Qafqaz Müsəlmanları İdarəsinin qazısı Yaşar Rzayev, din xadimləri, eləcə də ictimaiyyət nümayəndələri iştirak ediblər.
Çıxışlarda bildirilib ki, Azərbaycan xalqının milli birliyinin möhkəmlənməsində və dini vəhdətin yaranmasında mənəvi dəyərlərimizin yeri danılmazdır.
Qeyd olunub ki, milli-mənəvi dəyərlərimiz, adət-ənənələrimiz insanlarımızın dini etiqadına əsaslanaraq özündə çox böyük əxlaqi və bəşəri duyğuları təcəssüm etdirir.
Tədbir müzakirələrlə davam etdirilib.
