Xaçmazda şadlıq evinin mühafizəçisinə qarşı quldurluq edən Asəf Ocaqovun kassasiya şikayəti üzrə məhkəmə iclası başa çatıb.
Pravda.az-ın məlumatına görə, Ali Məhkəmədə hakim Şahin Yusifovun sədrliyi ilə keçirilən prosesdə şikayət təmin edilməyib.
Məlumat üçün bildirək ki, Quba rayon sakini Asəf Ocaqov quldurluq yolu ilə pul və ya başqa qiymətli əşya əldə etmək məqsədilə şadlıq evinin mühafizəçisinə baş nahiyəsindən xəsarət yetirmişdir. Lakin o, heçnə əldə edə bilməyərək, zərərçəkənin pencəyini götürmüş və hadisə yerindən qaçmışdır. Xaçmaz Rayon Polis Şöbəsinin əməkdaşları tərəfindən həmin şəxs saxlanılmışdır.
Sumqayıt Ağır Cinayətlər Məhkəməsinin hökmü ilə Asəf Ocaqov cəzasını ciddi rejimli cəzaçəkmə müəssisəsində çəkməklə 11 il müddətinə azadlıqdan məhrum edilmə cəza seçilib.
