Xaçmaz Tarix-Diyarşünaslıq muzeyinə bir sıra arxeoloji materiallar təhvil verilib. Bu barədə ShimalNews 15 avqust tarixində muzeyə istinadən məlumat verir.
Mədəni irsin qorunması, inkişafı və bərpası üzrə Dövlət Xidmətinin Xaçmaz rayonu üzrə əməkdaşları tərəfindən aşkar edilən əşyalar arasında saxsı qablar da mövcuddur. Eksponatlar Xudat şəhəri N. Gəncəvi adına parkda yenidənqurma işləri ilə bağlı aparılan qazıntılar zamanı aşkar edilib.
Məlumata görə, araşdırmanın aparılması üçün həmin ərazidə gedən təmir işlərinə ara verilib.
