Xaçmaz rayonu ərazisində insan sümükləri aşkar edilib. Bu haqda ShimalNews 27 iyun tarixində Oxu.Az-a istinadən məlumat verir.
Həsənqala kəndinin sakinləri qeyd edirlər ki, ərazidə arxeoloji qazıntılar da aparılıb, amma ətrafda bu ərazinin tarixiliyini göstərən heç bir məlumat lövhəsi və ya inventar nömrəsi mövcud deyil.
"Qeyd olunan ərazi ölkə əhəmiyyətli arxeoloji abidə kimi dövlət mühafizəsinə götürülmüş yaşayış yeridir (1106 inventar nömrəli) və ərazidə sonuncu dəfə 2023-cü ildə arxeoloji qazıntı işləri aparılıb" - Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinin rəsmisi qeyd edib.
Məsələ ilə bağlı AMEA-nın Arxeologiya, Etnoqrafiya və Antropologiya İnstitutunun Mətbuat Xidmətindən bildirilib ki, abidənin qorunması, inventar nömrəsinin verilməsi və mühafizəsi institutun səlahiyyətində deyil.
Həsənqala kəndinin tarixi haqda daha öncə məlumat vermişdik.
