Xaçmaz şəhərində yalnız qadınlar üçün fəaliyyət göstərən kafe açılıb. Bu haqda ShimalNews 12 iyul tarixində “BBC News Azərbaycanca”ya istinadən məlumat verir.
Kafenin sahibi Firəngiz Pirverdiyeva bildirir ki, artıq bir aydan çoxdur açdığı bu məkanda ab-havanı yaratmağa çalışır. Xanımların çoxu kafeyə öz övladları ilə gəlirlər. Həmçinin qadınların rahatlığı üçün burada saatla dayə xidməti də təqdim edilir.
Müştərilər rayonda xanımlar üçün xüsusi müəssisənin fəaliyyətə başlamasından məmnun olduqlarını deyirlər. Qadınlar üçün açılan kafedə işləyənlər də yalnız qadınlardır.
Müsahibim deyir ki, elə kafeni açmaqda əsas məqsədlərindən biri də Xaçmazda xanımların məşğulluğuna az da olsa, töhfə verməkdir.
Firəngiz Pirverdiyeva gələcəkdə uşaqların əyləncə və asudə vaxtlarını keçirmək və dünyagörüşlərini artırmaq məqsədi ilə kiçik kinoteatr da açmaq niyyətindədir.
