Xaçmaz rayonunda antiterror tədbirləri zamanı şəhidlik zirvəsinə ucalan polkovnik-leytenant Vüsal Rüstəmovun ildönümü qeyd olunub.
ShimalNews xəbər verir ki, icra başçısı Elnur Rzayev, yerli hüquq mühafizə orqanlarının əməkdaşları, idarə müəssisə və təşkilat rəhbərləri şəhidin ildönümü ərəfəsində Vüsal Rüstəmovun ailəsinə baş çəkiblər. Şəhidin məzarı ziyarət edib, xatirəsi ehtiramla yad edilib.
Qeyd edək ki, hərbçimiz 2023-cü il sentyabrın 19-da Qarabağ iqtisadi rayonunda törədilən genişmiqyaslı təxribatların qarşısının alınması və Ermənistan silahlı qüvvələrinin qalıqlarının tərksilah edilərək torpaqlarımızdan çıxarılması zamanı şəhidlik zirvəsinə ucalıb.
