Xaçmaz rayonunda atasını öldürməkdə təqsirləndirilən Pərvin Nəmətovun barəsindəki qərardan kassasiya şikayəti üzrə məhkəmə iclasının vaxtı məlum olub.
Pravda.az-ın məlumatına görə, Ali Məhkəmədə keçiriləcək proses gələn il aprelin 10-na təyin edilib.
Bundan öncə məhkəmənin hökmü ilə P.Nəmətov 10 il 6 ay müddətinə azadlıqdan məhrum edilib. Sumqayıt Apellyasiya Məhkəməsi isə hökmü dəyişdirmədən qüvvədə saxlayıb.
İttihama görə, hadisə 14 may 2022-ci il tarixdə saat 15 radələrində Xaçmaz rayonu Niyazoba kəndi ərazisində yerləşən fərdi yaşayış evində qeydə alınıb.
35 yaşlı Pərvin Nəmətov süfrə başında ailə üzvləri ilə birlikdə nahar edərkən münaqişə zəminində atası Hacıkərim Nəmətovu bıçaqlayaraq qətlə yetirib. Hadisəyə səbəb isə atasının təqsirləndirilən şəxsi danlaması, ona və ailə üzvlərinə qarşı kobud rəftar etməsi olub.
