Ötən gün Xaçmaz rayonunun Hacıəhmədoba kənd məscidində yanğın olub.
Shimal.News-un əldə etdiyi məlumata görə, qısa zamanda güclənən alov 64 kv.m sahəni külə döndərib. FHN-in bölmələri yanğının qarşısını ala bilib, yaxınlıqdakı tikililər mühafizə olunub.
Hadisə yerinin ekspertizası aparılıb. Məlum olub ki, yanğına elektrik xətlərində baş verən qısa qapanma səbəb olub.
Bildirilib ki, 2 otaqlı tikilidən ibarət olan kənd məscidi uzun müddət istifadə olunmayıb. Onun binası son bir neçə ildə bərpa edilib.
