Sumqayıt Ağır Cinayətlər Məhkəməsində oğurluqda təqsirləndirilən Anar Kərimlinin (soyadı şərti) cinayət işi üzrə məhkəmə istintaqı başa çatıb.
Pravda.az-ın məlumatına görə, hakim Fəhmin Hümbətovun sədrliyi ilə keçirilən prosesdə hökm oxunub.
Məhkəmənin hökmü o, 7 il müddətinə azadlıqdan məhrum edilib.
İttihama görə, Anar Kərimli 2021-ci ilin sentyabr ayından 02 mart 2022-ci il tarixədək olan müddət ərzində zərərçəkmiş Mahir Əsədova (şərti) məxsus Xaçmaz rayonu, Susayqışlaq kəndində yerləşən fermada mühafizəçi kimi işləyib. O, çalışdığı müddət zamanı ümumilikdə 73 min 100 manat dəyərində oğurluq edib, o cümlədən 3300 manat dəyərində 22 baş qoyunu, 2200 manat dəyərində olan 1 baş inək və inəyin 6 aylıq balasını, 60 min manat dəyərində olan 15 min ədəd farel balığını, 7500 manat dəyərində olan 5 ədəd havalandırıcı mühərriki və 4 ədəd balıqlara su vermək üçün nəzərdə tutulmuş mühərriki gizli olaraq talayıb.
Qeyd edək ki, zərərçəkmiş Mahir Əsədov şirkətlərin birində direktor müavini vəzifəsində çalışıb.
