Xaçmaz Olimpiya İdman Kompleksində "Gənc ekoloqların yay düşərgəsi"nə start verilib. Bu barədə ShimalNews 17 avqust tarixində Azərbaycan Respublikasının Gənclər və İdman Nazirliyinə istinadən məlumat verir.
Düşərgə Gənclər və İdman Nazirliyinin təşkilatçılığı ilə keçirilir. Burada ölkənin 39 şəhər və rayonundan ümumilikdə 60 gənc iştirak edir.
İstedadlı gənclər bir araya gələrək 5 komandaya bölünüblər (“Xarıbülbül”, “Şərq Çinarı”, “Pətək”, “Hirkan”, "Qızılağac"). Onlar üçün "Ekoloji təmizlik" mövzusunda təlim keçirilib.
Seminarda qlobal ekoloji problemlər, onların həlli yolları, qarşıya qoyulan prioritet məqsədlər və bu məqsədlərin həyata keçirilməsində gənclərin rolundan danışılıb.
Daha sonra düşərgə günləri ərzində gənclər arasında incəsənət sahələri üzrə müxtəlif müsabiqələrin, yaradıcılıq axşamlarının və ekskursiyaların təşkili nəzərdə tutulub.
