Xaçmaz rayonunda energetiklərin peşə bayramı qeyd olunub.
Shimal.News xəbər verir ki, Rayon İcra Hakimiyyətinin başçısı Elnur Rzayev, yerli hüquq mühafizə orqanlarının rəhbərləri və peşə bayramlarını qeyd edən energetiklər əvvəlcə Xaçmaz şəhərinin mərkəzində Heydər Əliyevin abidəsi önünə gül dəstələri düzüb, xatirəsini ehtiramla yad ediblər.
Tədbir zamanı qeyd edilib ki, Heydər Əliyevin təşəbbüsü və rəhbərliyi ilə yaradılmış “Azərbaycan” İstilik Elektrik Stansiyasının birinci enerji blokunun istifadəyə verildiyi tarix ölkə başçısının müvafiq sərəncamı ilə 2004-cü ildə energetiklərin peşə bayramı günü kimi təsis edilib. Çıxış edənlər energetiklərə səmərəli və məsuliyyətli fəaliyyətlərində uğurlar arzulayıb.
