Xaçmaz Rayon Məhkəməsində mənimsəmədə təqsirləndirilən Alim Yusiflinin (soyadı şərti) cinayət işi üzrə məhkəmə istintaqı yekunlaşıb.
Pravda.аz-ın məlumatına görə, hakim Nərmin Abiyevanın sədrliyi ilə keçirilən prosesdə hökm oxunub.
Məhkəmənin hökmü ilə o, 1 il 5 ay 2 gün müddətə azadlıqdan məhrum edilib.
İttihama görə, Alim Yusifli 2020-ci il martın 4-dən 2020-ci ilin may ayının sonlarınadək zərərçəkmiş Etibar Fərəcovun (soyadı şərti) Xaçmaz rayonu, İstisu qəsəbəsi ərazisində yerləşən fermasında camışlara və keçilərə çobanlıq edib. Zərərçəkmiş bunun müqabilində zəhmət haqqı olaraq ona hər ay 350 manat əmək haqqı verib. Alim sözügedən müddət ərzində Etibar Fərəcovun ümumilikdə 25440 manat dəyərində camış və keçilərini sataraq pulunu mənimsəyib.
Daha sonra o, Etibar Fərəcovun şikayəti əsasında saxlanılıb və barəsində həbs qətimkan tədbiri seçilib.
