Xaçmazda əmisi arvadının başına ağacla çoxsaylı zərbələr endirərək qətlə yetirən şəxsin hökmdən verilən apellyasiya şikayəti üzrə məhkəmə iclası başa çatıb.
Pravda.az-ın məlumatına görə, Sumqayıt Ağır Cinayətlər Məhkəməsinin hökmü ilə 66 yaşlı əmisi arvadı Səfurə Balacayevanı öldürən Tofiq Balacayev 17 il müddətinə azadlıqdan məhrum edilib.
Hadisə bu ilin 21 mart tarixində Yergüc kəndində olub, kənd sakini Səfurə Əlişah qızı Balacayeva qətlə yetirilib. Onun qaynı oğlu, 27 yaşlı Tofiq Nofəl oğlu Balacayev istintaqa verdiyi ifadəsində törətdiyi cinayəti etiraf edib.
