Gəndob Yalama avtomobil yolunun Xaçmaz rayonunun Köhnə Xaçmaz kəndi yaxınlığından keçən hissəsində yanğın baş verib.
Shimal.News xəbər verir ki, avtoyuma məntəqəsində qəfil alışma yaranıb. Alov qısa zamanda məntəqənin dam örtüyünü və avadanlığını bürüyüb. Əraziyə FHN-nin yanğınsöndürma briqadası cəlb olunub. Yanğın məhdudlaşdırılıb, digər ticarət obyektlərinə keçməsinin qarşısı alınıb.
Hadisə zamanı xəsarət alan olmayıb.
