Xaçmaz Rayon Mərkəzi Xəstəxanasında "Abortlardan kontrasepsiya ilə qurtulaq" mövzusunda maarifləndirici tədbir keçirilib.
Shimal.News məlumat verir ki, tədbir çərçivəsində iştirakçılara arzuolunmaz hamiləliyin qarşısının alınmasının üsulları, abortun qadın orqanizminə zərərlər haqqında bəhs edilib, onları maraqlandıran və narahat edən suallar cavablandırılıb.
Həkim-mama-ginekoloq Yasəmən Ağayeva abortların qadınların reproduktiv sağlamlığına mənfi təsiri, arzuolunmaz hamiləlikdən qorunma üsulları – kontrasepsiya (arzuolunmaz hamiləliyin baş verməsinin qarşısının alınması üsuludur) haqqında iştirak edən qadınlara geniş məlumat verib.
