Xaçmaz rayonunda “Yaşıl dünya naminə həmrəylik ili” çərçivəsində “31 dekabr-Dünya Azərbaycanlılarının Həmrəyliyi Günü” və “Yeni il bayramı” ərəfəsində növbəti ağacəkmə aksiyası keçirilib.
Shimal.News məlumat verir ki, ekoloji aksiya Xanoba və Samur sərhəd-keçid məntəqələri arasındakı avtomobil yolunun kənarında Rayon İcra Hakimiyyətinin təşkilatçılığı ilə baş tutub.
Tədbirdə Rayon İcra Hakimiyyətinin başçısı Elnur Rzayev, Milli Məclisin deputatı Ağalar Vəliyev, YAP Xaçmaz rayon təşkilatının sədri Məhəmməd Balaqadaşov, yerli hüquq mühafizə orqanlarının rəhbərləri, ziyalılar və ictimaiyyət nümayəndləri iştirak ediblər.
Magistral yol kənarında yerli iqlim şəriatinə uyğun gələn 2400 ədəd şam ağacı əkilib. Həmçinin əvvəl basdırılan ağaclara aqrotexniki qulluq göstərilib, suvarılması təmin edilib.
Ağacəkmə aksiyalarının məqsədi yaşıllıq zolaqlarını genişləndirmək, rayonun ekoloji tarazlığına tövhə vermək və insanlar arasında təbiətə qayğı hissini təbliğ etməkdir.
