Xaçmaz şəhərində beşmərtəbəli yaşayış binasında yanğın baş verib. Bu barədə ShimalNews 14 fevral tarixində Fövqəladə Hallar Nazirliyinə istinadən məlumat verir.
Hadisə Nəriman Nərimanov küçəsində qeydə alınıb. Yanğınsöndürənlər tərəfindən 30 nəfər adam təhlükəsiz əraziyə təxliyə olunub, 1 nəfər tüstüdən zəhərlənmə əlamətləri ilə təcili tibbi yardım briqadasına təhvil verilib. Mənzillər yanğından mühafizə olunub.
Məlumata görə, zirzəmidə yaşayan, tüfeyli həyat tərzi sürən şəxs yanğına səbəbkar olub. Həmin yerdə 2 ədəd döşək yanıb.
Faktla bağlı araşdırmalar davam etdirilir.
