Xaçmazda ölümlə nəticələnən yol-nəqliyyat hadisəsi törətməkdə təqsirləndirilən Gülməmməd Gülməmmədovun cinayət işi üzrə ibtidai istintaq başa çatıb.
E-huquq.az-ın məlumatına görə, iş üzrə toplanan materiallar baxılması üçün Xaçmaz Rayon Məhkəməsinə göndərilib.
Hakim Samir Bayramovun sədrliyi ilə keçiriləcək məhkəmənin hazırlıq iclasının vaxtı hələlik məlum deyil.
Hadisə Xaçmaz-Xudat avtomobil yolunun Köhnəxaçmaz kəndindən keçən hissəsində qeydə alınıb.
“Opel” markalı minik avtomobilinin sürücüsü idarəetməni itirib və nəqliyyat vasitəsi yolun kənarındakı səkiyə çarpılıb.
Qəzada 23 yaşlı Şəhriyar Məmmədov dünyasını dəyişib. Avtomobildə olan digər şəxs, 22 yaşlı Gülməmməd Gülməmmədov isə müxtəlif dərəcəli bədən xəsarətləri ilə xəstəxanaya yerləşdirilib.
