Xaçmazda dövlət qulluqçularının bayramı keçirilib. Bu barədə ShimalNews 23 iyun tarixində RİH-yə istinadən məlumat verir.
İcra başçısı Elnur Rzayev dövlət qulluqçularını peşə bayramları münasibətilə təbrik edib. Onlara məsul vəzifələrində uğurlar arzulayıb. Daha sonra məmurlara söz verilib.
Çıxış edənlər Xaçmaz rayonunda dövlət qulluğu üçün kadrların seçilməsi, yerləşdirilməsi, onların ixtisas hazırlıqlarının artırılması, attestasiyası, sosial müdafiəsi və digər məsələlərin diqqət mərkəzində saxlanılmasını yüksək qiymətləndiriblər.
Dövlət qulluğunda fərqlənən bir qrup şəxs Xaçmaz Rayon İcra Hakimiyyətinin başçısı Elnur Rzayev tərəfindən Fəxri Fərmanla təltif olunub.
Həmçinin peşə bayramı günündə 65 yaşı tamam olan Xaçmaz Rayon İcra Hakimiyyəti başçısı aparatında Hüquq şöbəsinin müdiri Nazir Vəlibəyov Fəxri Fərman və qiymətli xatirə hədiyyəsi ilə mükafatlandırılıb.
