Xaçmazda gənc qız dəm qazından boğularaq ölüb. Bu haqda məlumatı ShimalNews bu gün, 31 dekabr tarixində Report.az-a istinadən verir.
Hadisə rayonun Qımıl kəndində baş verib. 22 yaşlı Ramilə Ramin qızı Tahirova yaşadığı evin hamam otağında dəm qazından zəhərlənib.
Ailə üzvlərinin bildirdiyinə görə, R.Tahirovaya ilkin tibbi yardım göstərilsə də, onun həyatını xilas etmək mümkün olmayıb.
Onun meyiti müayinə olunması üçün Səhiyyə Nazirliyinin Məhkəmə-Tibbi Ekspertiza və Patoloji Anatomiya Birliyinin Xaçmaz rayon şöbəsinə təhvil verilib.
Faktla bağlı araşdırma aparılır.
