Xaçmazda “Xəzəri qoruyaq!” aksiyası keçirilib. Bu barədə ShimalNews 28 sentyabr tarixində Ekologiya və Təbii Sərvətlər Nazirliyinə istinadən məlumat verir.
Aksiya Beynəlxalq Sahilyanı Təmizlik Günü “Xəzəri qoruyaq!” şüarı ilə Xəzərin Xaçmaz sahili ərazisində təşkil olunub. Aksiyanın keçirilməsində məqsəd ölkədə ekoloji durumun yaxşılaşdırılması, əhalinin bu sahədə maarifləndirilməsi və ətraf mühitə məsuliyyətli yanaşma prinsiplərini təbliğ etməkdir.
Təmizlik kampaniyası ETSN-in, “ASAN Xidmət”in, "ASAN Könüllüləri" Təşkilatının dəstəyi, “Coca-Cola”, “Carlsberg Azerbaijan”, “PAŞA Bank” və “Bakcell” şirkətlərinin tərəfdaşlığı və “EcoHub” ekoloji platformasının icraçı tərəfdaşlığı ilə təşkil olunur.
Azərbaycanda son 10 il ərzində keçirilən “Xəzəri qoruyaq!” aksiyaları çərçivəsində çimərliklərin 45 hektaradək ərazisi təxminən 40 ton məişət tullantısından təmizlənib.
