Kənd təsərrüfatı məhsullarının qiyməti iki dəfə artıb. Bəzi məhsulların qiymətində isə ucuzlaşma müşahidə olunur. Mütəxəssislər bunun səbəbini hava ilə əlaqələndirirlər. Buna baxmayaraq, qarşıdakı aylarda məhsulların qiymətində kəskin artımın olacağı proqnozlaşdırılır.
Qaynarinfo.az-ın məlumatına görə, fermer Anar Abbasov açıqlamasında bildirib ki, kələmin qiymətinin qalxmasına səbəb ilk növbədə Ukrayna getməsidir: “Cənub bölgəsində bu mövsümdə 34 hektar kələm əkilib. Ötən il isə təxminən 130 hektardan çox kələm əkilmişdi. Hələ həyətlərdə əkilən kələmləri demirik. Xaçmaz, Qusarda quraqlıq olduğundan məhsuldarlıq olmadı. Hesab edirəm ki, bu mövsüm qiymət artacaq. Ukraynaya daşınması da qiymətə təsir edəcək. Hər gün Azərbaycanda 40 tona yaxın kələm çıxır. Bilirdim ki, bu il kələm az əkiləcək, çünki ötən il hamının məhsulu batdı. Bu il 11 hektar kələm əkmişəm, ötən il isə 3 hektar əkmişdim”.
Anar Abbasov deyib ki, əsas problemlərdən biri də biznesmenlərin yerli məhsulları almaması, daha çox xaricdən gətirməyə üstünlük verməsidir: “Yanvar ayından sonra bizdə kələmin kiloqramı 1 manatdan yüksək olacaq”.
