Xaçmazda həmyerlisini qanunsuz azadlıqdan məhrum edən, hədə-qorxu ilə ondan pul tələb edən və oğurluqda təqsirləndirilən Abdul və Aydəmir Əlislamov qardaşları məhkəmə hökmündən apellyasiya şikayəti veriblər. Bu haqda ShimalNews 30 iyul tarixində məlumat verir.
Sumqayıt Apellyasiya Məhkəməsində hakim Rəşadət Ağayevin sədrliyi ilə proses keçirilib. Qərara əsasən, şikayət təmin edilməyib. Abdul Əlislamovun 7 il 6 ay müddətinə azadlıqdan məhrum edilməsi, qardaşının isə şərti cəza qərarı qüvvədə qalıb.
Daha öncə təqsirləndirilənlərin ov silahını və iribuynuzlu heyvanları oğurlaması, hədələyərək həmkəndlisindən 3500 manat pul aldığı haqda məlumat vermişdik.
