Rusiya Federasiyasına gedən yük qatarında gizlənərək sərhədi keçməyə cəhd edən şəxs saxlanılıb.
Shimal.News Azərbaycan Respublikası Dövlət Sərhəd Xidmətinə istinadən xəbər verir ki, 36 yaşlı Xaçmaz rayon sakini Tamindar Lumanov sərhədi pozmaq istəyib.
Hadisə oktyabrın 26-da saat 04:35-də baş verib. Dövlət Sərhəd Xidməti əməkdaşları həmin şəxsi yük qatarının vaqonunda yüklərin arasında aşkar ediblər.
Fakt üzrə əməliyyat-istintaq tədbirləri davam etdirilir.
