Xaçmaz rayon ümumtəhsil məktəblərinin şagirdləri arasında 2 Fevral - Gənclər Gününə həsr olunan "Müzəffər gənclik" adlı "Nə?, Harada? Nə zaman?" intellektual oyunu keçirilib.
Shimal.News xəbər verir ki, əsasnaməyə görə, yarışda ən yüksək reytinq xalı olan, hər birində 6 şagird olmaqla, 6 komanda iştirak edib.
İki 2 turdan ibarət olan intellektual oyunun hər turunda 12 sual səsləndirilib. Yekunda daha hazırlıqlı və verilən vaxtdan daha səmərəli istifadə edən mükafatçı komandalar aşağıdakı kimi sıralanıb:
I yer - Xaçmaz şəhər Çingiz Abdullayev adına 2 nömrəli tam orta məktəbin "İstiqlal" komandası;
II yer - Xaçmaz şəhər Cəfər Cabbarlı adına 6 nömrəli tam orta məktəbin "Turan" komandası;
III yer - Xaçmaz şəhər Mehman Babayev adına 1 nömrəli tam orta məktəbin "2x2=5" komandası.
Qaliblər Quba-Xaçmaz Regional Gənclər və İdman İdarəsinin diplomları ilə təltif olunublar.
Tədbirin keçirilməsində məqsəd rayon ümumtəhsil məktəbləri şagirdlərinin intellektual səviyyəsinin və dünyagörüşünün artırılması, həmçinin onların asudə vaxtının səmərəli təşkil olunmasıdır.
