Xaçmazın icra başçısı Elnur Rzayev sakinlərlə səyyar qəbul keçirib. Bu barədə ShimalNews 31 iyul tarixində RİH-yə istinadən məlumat verir.
Əhmədoba kəndində keçirilən görüşdə yerli hüquq mühafizə orqanlarının rəhbərləri və xidmət təşkilatlarının məsul şəxsləri iştirak ediblər. Onlar ilk öncə şəhid İsmət Aslan oğlu Rəsulovun büstünü ziyarət ediblər.
Daha sonra Əhmədoba, Hacıəhmədoba, Hacıqazma və Qaracəlli kəndləri sakinlərinin müraciətləri fərdi qaydada dinlənilib. Onlar məktəb binasının yenilənməsi, qaz təchizatının bərpası, elektrik təsərrüfatında aparılan yenidənqurma işlərinin sürətləndirilməsi, yolların təmiri və suvarma suyu ilə təchizatın yaxşılaşdırılması haqda müraciətlərini səsləndiriblər.
