Xaçmazda Tikintidə Təhlükəsizliyə Nəzarət Dövlət Agentliyi tərəfindən sənəd qəbulu həyata keçirilir. Bu haqda ShimalNews 13 iyul tarixində Fövqəladə Hallar Nazirliyinə istinadən məlumat verir.
“Qeyri-yaşayış təyinatlı bəzi tikinti obyektlərinin istismarına icazə verilməsi ilə bağlı əlavə tədbirlər haqqında” Fərmanın icrası ilə əlaqəli sənəd qəbulu aparılır. Həmin obyektlərin istismarına icazənin verilməsi üçün ərizə və ona əlavə edilmiş müvafiq sənədlər qeyri-yaşayış obyektinin sifarişçisi (sahibi) və ya onun qanuni nümayəndəsi tərəfindən şəxsən təqdim edilməlidir.
Ərizə forması, tələb olunan sənədlər, sənəd qəbulu aparılan ünvanlar və digər müvafiq məlumatları bu linkə daxil olmaqla əldə etmək mümkündür.
Qəbul 1 yanvar 2025-ci il tarixinədək davam edəcək.
