Xaçmazda it uşağa hücum edib. Bu haqda ShimalNews 27 iyun tarixində Baku.es-yə istinadən məlumat verir.
Hadisə ötən gün saat 14:00 radələrində Qusarçay kəndi ərazisində qeydə alınıb. Xidmət aparan 2-ci tağım polis əməkdaşı baş serjant Röyal Ağayev Bakıdan kəndə qonaq gələn uşağa hücum anını görüb. Sakinlərin və polisin köməkliyi ilə uşaq xilas edilib.
Baş nahiyəsindən xəsarət alan oğlan dərhal Ağayevin köməyi ilə xəstəxanaya çatdırılıb.
