Samur-Yalama Milli Parkında həşəratlara qarşı dərmanlama işləri aparılıb. Bu barədə ShimalNews 10 iyul tarixində məlumat verir.
Meşəlik ərazilərdə ağacların həşəratlardan mühafizə olunması məqsədilə mütəxəssislərdən ibarət qrup monitorinq aparıb. Samur-Yalama Milli Parkı və ona yaxın meşəlik ərazilərdə "qaraçı güvəsi” kimi tanınan tək ipəksarıyan ziyanvericisinin yayıldığı müəyyən edilib.
Bioloji Müxtəlifliyin Qorunması Xidmətinin rəisi Firuddin Əliyev bildirib ki, 150 hektar ərazi dərmanlanıb. Ziyanverici, əsasən, palıd və vələs ağaclarına hücum edib.
Monitorinqlər və tədbirlər davam etdirilir.
Daha öncə yerli əhali milli parkda, Nabran və Yalamada ağaclara ziyanvericilərin daraşdığını və onların kütləvi şəkildə quruduğunu bildirmişdi.
