Xaçmaz sakini rayonda fəaliyyət göstərən marketlərin birindən dondurulmuş skumbriya balığı alıb.Alınan məhsulun xalis çəkisi 1 kq 918 qr olsa da buzu açılandan sonra çəkisi 400 qr əskik olduğu məlum olub.
Şəhər sakini Cəmil Hüseynov Shimal.News-a bildirib ki, son 1 ayda belə hallar dəfələrlə yaşanıb. Dondurulmuş balıqların üzərindəki buz qatı həddən artıq qalın olur. Alıcı yuxarıda qeyd olunan məhsula 16 manat 11 qəpik ödəyib. Nəticədə ödənilən məbləğin 30-40 %-i buza xərclənib.
Vətəndaş qeyd edir ki, Xaçmaz şəhərində dondurulmuş balıq satılan digər marketlərdə də müşahidə aparıb. Eyni hal təkrar müşahidə olunub. Həmin marketlər bildirilib ki, məhsula müdaxilə edilməyib, istehsalçı məhsulu bu formada gətirir.
Məsələ ilə bağlı AQTA-dan bildirilib ki, yaranan vəziyyət qanunvericiliyə uyğun olaraq araşdırılacaq. Nəticə haqqında ətraflı məlumat veriləcək.
İstehlakçılardan xahiş olunur ki, qida sahəsində hər hansı bir uyğunsuzluqla rastlaşdıqda araşdırılıb müvafiq tədbirlərin görülməsi üçün agentliyin "1003" Qaynar Xəttinə məlumat versinlər.
View this post on Instagram
