Azərbaycanda toxumçuluğun inkişaf etdirilməsi məqsədilə Xaçmaz rayonunda dənli bitki toxumlarının emalı müəssisəsi mövsümə tam hazır vəziyyətə gətirilib. Bu haqda ShimalNews 7 iyun tarixində Kənd Təsərrüfatı Nazirliyinə istinadən məlumat verir.
Emal zamanı yerli iqlim şəraitinə və xəstəliklərə davamlı, fərdi toxumçuluq təsərrüfatlarından tədarük olunan toxumların qablaşdırılması həyata keçiriləcək. Hüquqi və fiziki şəxslər zavoda müraciət edə bilərlər.
Zavodun emal gücü saatda 5 tondur. Buradakı qurğular vasitəsilə emal olunan toxum materialını digər ənənəvi qurğulardan fərqli olaraq, 98% təmizləmək mümkündür. Nəticədə toxumların əkin sərfiyyatı 20-30% azalır.
