Xaçmazda "Ayrıseçkiliyə məruz qalmamaq hüququ: təməl anlayış və yanaşmalar" adlı təlim keçirilib. Bu haqda ShimalNews 15 iyul tarixində Rayon üzrə Gənclər və İdman Sektoruna istinadən məlumat verir.
Görüşdə Bakı Dövlət Universitetinin hüquq fakültəsinin magistr tələbəsi, hüquqşünas Ceyhun Əsədov iştirakçılara diskriminasiya və ona bağlı anlayışlar, həmçinin onun xüsusiyyət və növləri ilə yanaşı, qeyd edilmiş məsələlərin normativ-hüquqi aspektləri barədə ətraflı məlumat verib.
Təlim Gənclər və İdman Sektoru, Xaçmaz Gənclər Klubu və Gənclərin Karyera və İnkişafı Mərkəzinin Xaçmaz Nümayəndəliyinin birgə təşkilatçılığı ilə baş tutub.
