Xaçmazda hüquqi yardım aksiyası baş tutub. Bu haqda ShimalNews 12 iyul tarixində Vəkillər Kollegiyasına istinadən məlumat verir.
"Heydər Əliyev İli” ilə əlaqədar təşkil edilən “Açıq qapı” günündə müraciət edən 21 nəfərə ödənişsiz yardım göstərilib. Müraciətlərin əksəriyyəti mülki işlər, mülkiyyət hüququ, kredit mübahisəsi, vərəsəlik, torpaq mübahisələri, ailə münasibətləri, aliment tələbi və digər sosial məsələlərlə bağlı olub.
